想念奶茶尷尬而不失禮貌嘅微笑🙂
第一次去狗場 阿棍屋，貓狗比我想像中多同善良，我以為佢哋會因為保護自己而好惡，點知大部份狗狗都會lur地挨埋嚟要摸摸，印象最深刻係霜霜，原來佢係盲咗但都咁癡人唔會驚，即使被遺棄過受過傷，都依然好相信人類💕證明場主Ivy同其他義工真係對佢哋好好。
聽到好多棄養理由，有好多狗仔年老覺得照顧唔到而棄養、有啲係因為要移民帶唔到上飛機就放嚟狗場，真係好衰！每次諗起主人就係佢哋嘅全世界，但主人都唔要佢哋嗰陣，就覺得佢哋好慘、人類有時好可惡。
但有一啲更加無奈嘅理由，係有啲公公婆婆自己都變老，可能要去老人院而冇親人照顧要送嚟狗場，例如我哋最愛嘅奶茶就係因為呢個原因而嚟咗阿棍屋，佢哋主人其實都唔想同佢哋分開，但真係照顧唔到而希望有一個更好嘅人收養佢哋，呢啲難處更令人心痛。
自從養咗阿Dee，睇啲關於狗嘅片、動畫、文章、做訪問一問有冇諗過阿dee會離開/變老，我就可以一秒爆喊，因為剩係諗起已經唔捨得，更加唔敢想像。所以完全唔明白點解有啲人可以棄養，有時出街玩我去廁所唔俾阿dee跟住，阿dee 都會望住我離開嘅方向坐低唔郁咁等我，佢哋真係知道㗎！由啲衰主人擺低佢哋嗰刻開始，佢哋其實都一直等緊主人返嚟接佢哋。
見到Ivy嘅善心真係好值得敬佩❤️佢令好多差啲失去愛嘅貓狗可以安享晚年，努力幫佢哋搵主人。多謝阿棍屋/香港其他狗場咁幫助佢哋，好多狗狗都好可愛，希望有能力有責任心嘅人緣份到都可以收養佢哋啦💕收養唔到嘅話，大家都可以捐款捐物資幫下佢哋呀！ 邊個領養到奶茶歡迎inbox約我放狗狗同阿dee玩呀💕
𝗬𝗼𝘂𝘁𝘂𝗯𝗲 𝗖𝗵𝗮𝗻𝗻𝗲𝗹【 #智將情侶 】
https://goo.gl/AVLqMt
𝗜𝗻𝘀𝘁𝗮𝗴𝗿𝗮𝗺
www.instagram.com/cherryluii
Search